Jurgen Klopp, stjóri Liverpool, hefur engar áhyggjur af sínum manni, Mohamed Salah.
Salah hefur aðeins skorað tvö mörk á tímabilinu og hefur ekki náð að koma inn marki í síðustu þremur leikjum.
Salah var magnaður fyrir framan markið á síðasta tímabili en Klopp hefur engar áhyggjur.
,,Allir búast við því að hann sé eins og á síðustu leiktíð en við búumst ekki við því,“ sagði Klopp.
,,Við viljum að hann skori eins og oft hægt er og þannig er það. Það er eðlilegt að það séu væntingar fólks.“
,,Á síðasta ári skoraði hann hvað, þrjú í fyrstu sex leikjunum? Núna er hann með tvö í fyrstu sex?“
,,Wow, það er stífla! Enginn man eftir því svo það er ekkert vandamál. Við erum alltaf að takast á við nýjar stöður.“
