Bryan Robson fyrrum fyrirliði Manchester United býst við því að stuningsmenn Manchester United muni von bráðar sjá það besta frá Alexis Sanchez.
Sanchez kom til United í janúar frá Arsenal og er launahæsti leikmaður liðsins.
Miðað við það þá hefur hann verið langt því frá að standa undir þeim væntingum.
,,Sanchez er frábær leikmaður en hjá Manchester United hefur honum ekki tekist að sýna það,“ sagði Robson.
,,Ég er klár í að það gerist fyrr en síðar, í sumar fékk hann sitt fyrsta frí í mörg ár og það mun hjálpa til.“
,,Stundum getur það tekið smá tíma að komast á flug eftir gott frí en hann mun ná flugi á þessu tímabili.“
