Neymar, leikmaður Paris Saint-Germain, komst á blað í dag er liðið mætti Nimes í frönsku úrvalsdeildinni.
Neymar gerði fyrsta mark PSG í 4-2 sigri á Nimes en hann lék 90 mínútur og átti góðan leik.
Eftir mark sitt í dag hljóp Neymar að stuðningsmönnum Nimes og fékk sér sæti fyrir framan borða sem búið var að hengja upp.
Á borðanum stóð ‘Neymar, grenjuskjóða” og fagnaði Brasilíumaðurinn svo sannarlega á viðeigandi hátt.
Neymar þóttist þá einfaldlega fara að gráta eftir markið og voru heimamenn að vonum ansi pirraðir eftir þetta látbragð.
Myndband af atvikinu má sjá hér.
Neymar scored and immediately ran over to celebrate in front of a banner calling him a „cry baby.“ pic.twitter.com/PIgjcFFPHt
— ESPN FC (@ESPNFC) 1 September 2018
