Breiðablik 2-2 Víkingur Ó. (Blikar áfram eftir vítakeppni)
0-1 Gonzalo Zamorano(31′)
1-1 Thomas Mikkelsen(67′)
1-2 Davíð Kristján Ólafsson(sjálfsmark, 105′)
2-2 Brynjólfur Darri Willumsson(120′)

Breiðablik spila við Stjörnuna í úrslitum Mjólkurbikars karla en liðið mætti Víkingi Ólafsvík í kvöld.

Blikar voru fyrir leikinn taldir mun sigurstranglegri en liðið er á toppi Pepsi-deildarinnar og Víkingar spila í Inkasso-deildinni.

Það voru gestirnir frá Ólafsvík sem komust yfir er Gonzalo Zamorano kom boltanum í netið á 31. mínútu fyrri hálfleiks.

Daninn Thomas Mikkelsen gerði enn eitt markið fyrir Blika í síðari hálfleik og tryggði liðinu framlengingu eftir að hafa skorað á 67. mínútu.

Í framlengingunni komust Víkingar yfir en Davíð Kristján Ólafsson varð fyrir því óláni að skora sjálfsmark og kom gestunum yfir.

Brynjólfur Darri Willumsson tryggði Blikum hins vegar vítakeppni á síðustu mínútu framlengingarinnar er hann jafnaði í 2-2.

Það voru Blikar sem höfðu að lokum betur í vítakeppni og spila við Stjörnuna í úrslitum þann 15. september.