Guðlaugur Victor Pálsson var valinn í lið vikunnar í Sviss í dag en hann leikur með FC Zurich þar í landi.
Guðlaugur hefur undanfarið ár leikið með Zurich og spilaði 33 leiki fyrir liðið á síðustu leiktíð.
Miðjumaðurinn gekk í raðir Zurich frá Esbjerg í Danmörku og er strax kominn með fyrirliðabandið.
Fyrsta umferð deildarinnar fór fram á dögunum og hafði Zurich betur gegn Thun, 2-1.
Íslenski landsliðsmaðurinn spilaði allan leikinn fyrir heimaliðið og þótti standa sig afar vel og var valinn í lið vikunnar í kjölfarið.