Varnarmaðurinn Dejan Lovren gaf það út á dögunum að hann væri einn besti varnarmaður í heimi eftir fína frammistöðu með króatíska landsliðinu á HM.

Mikið hefur verið rætt um ummæli Lovren en Jurgen Klopp, þjálfari Lovren hjá Liverpool, er sammála sínum manni.

,,Það hefði verið betra ef einhver annar en hann sjálfur hefði sagt þetta en hann hefur allavegana rétt fyrir sér,“ sagði Klopp.

,,Fólk hugsar ekki út í það en ef þú skoðar smáatriðin er það ekki óvænt að Króatía sé á þeim stað sem þeir eru.“

,,Þeir eru ekki með heimsklassa bakverði en þeir fá ekki á sig mörk. Þeir eru sóknarsinnaðir á miðjunni og einhver þarf að passa það. Dejan er stór partur af því.“