Franska landsliðið er heimsmeistari 2018 eftir sigur á Króatíu í skemmtilegum 4-2 leik í dag.

Antoine Griezmann skoraði annað mark Frakka í sigrinum en mark hans kom úr vítaspyrnu.

Framherjinn var að vonum í skýjunum eftir leikinn og vonar það að hann geti fengið að sofa með bikarinn.

,,Ég veit ekki hvar ég er. Ég er svo ánægður! sagði Griezmann í samtali við TF1.

,,Króatía spilaði mjög vel í dag og þetta var erfiður leikur því við byrjuðum mjög hægt.“

,,Við komumst inn í leikinn smátt og smátt með skyndisóknum. Þetta er svo ánægjulegt.“

,,Við getum ekki beðið eftir því að fara með bikarinn heim. Að skora í úrslitunum gerir mig mjög ánægðan.“

,,Ég íhugaði að taka Panenka vítaspyrnu en ég hikaði. Ég vona að ég geti fengið að sofa með bikarinn.“