Guðni Th. Jóhannesson, forseti Íslands, horfði á leik Íslands og Nígeríu í Tallinn í Eistlandi á föstudag. Guðni og eiginkona hans, Eliza Reid, voru þar í opinberri heimsókn en tilefnið var að hundrað ár voru þá liðin frá því að Eistar stofnuðu fyrst lýðveldi.
Guðni horfði á leikinn í Tartu ásamt forsetum Eistlands, Lettlands, Póllands og Finnlands og er óhætt að segja að allir hafi verið á bandi Íslands í leiknum – að minnsta kosti ef marka má myndina hér að neðan sem birtist á Twitter. Þar má sjá forsetana grípa um höfuðið, að því er virðist, þegar vítaspyrna Gylfa Þórs Sigurðssonar fór í súginn. Enginn virðist vera meira svekktur en Guðni, eðlilega kannski, en hann sést fremst fyrir miðju á myndinni í KSÍ bol.
Leiknum lauk með 2-0 sigri Nígeríu en meðfylgjandi mynd hér að neðan tók Raigo Pajula.
Presidents of
?? Estonia
?? Iceland
?? Latvia
?? Poland
?? Finlandwatching Iceland Vs Nigeria in the #WorldCup pic.twitter.com/pWxclE7WNz
— Tom Moylan (@moylato) June 23, 2018
