Carlos Sanchez, leikmaður Kólumbíu, gengur nú í gegnum erfiða tíma eftir leik Kólumbíu og Japan á HM.
Sanchez byrjaði í 2-1 tapi gegn Japan í fyrsta leik liðsins á HM en hann fékk rautt spjald eftir aðeins þrjár mínútur.
Kólumbía tapaði leiknum að lokum 2-1 en fyrra mark Japan kom úr vítaspyrnu eftir að Sanchez hafði gerst brotlegur innan teigs.
Lögreglan í Kólumbíu rannsakar nú morðhótanir í garð Sanchez sem minnir á svipað atvik sem kom upp á HM 1994.
Andres Escobar skoraði þá sjálfsmark fyrir Kólumbíu á HM og fékk í kjölfarið ljót skilaboð og morðhótanir. Escobar var síðar skotinn til bana er hann var á leið heim eftir HM.
Kólumbía mætir Póllandi á sunnudaginn og þarf að ná í stig úr þeim leik til að eiga möguleika á að komast áfram.