Það hefur örugglega ekki farið framhjá neinum að HM í knattspyrnu hefst í Rússlandi í dag. Íslendingar taka þátt í lokakeppninni í fyrsta sinn en það er einnig önnur þjóð sem er að taka þátt í lokakeppninni í fyrsta sinn. Þetta og fleiri skemmtilegar staðreyndir um HM er að finna hér fyrir neðan.

32 lið taka þátt í úrslitakeppninni.

736 leikmenn frá 311 liðum taka þátt að þessu sinni.

186 leikmenn, sem taka þátt að þessu sinni, voru með á HM í Brasilíu 2014.

16 leikmenn Manchester City taka þátt að þessu sinni en ekkert félagslið á fleiri leikmenn á mótinu. 15 leika með Real Madrid og 14 með Barcelona.

4 þeirra fæddust á áttunda áratug síðustu aldar. Þetta eru Essam El-Hadary (Egyptalandi), Rafael Márquez (Mexíkó), Sergei Ignasevich (Rússlandi) og Tim Cahill (Ástralíu).

Markmaður Króatíu, Lovre Kalinic, er hæsti leikmaður mótsins en hann er 201 cm.

Yahya al-Shehri er lægsti leikmaður mótsins en hann er 164 cm.

Brasilía hefur unnið HM fimm sinnum.

Ísland og Panama taka þátt í úrslitakeppni HM í fyrsta sinn.

3,2 milljarðar manna horfðu á sjónvarpsútsendingar frá keppninni 2014.

Miroslav Klose hefur skorað flest mörk allra í úrslitakeppni HM eða 16 talsins.

Mohammed al-Sahlawi, Egyptalandi, skoraði 16 mörk í 14 leikjum Egypta í undankeppninni.