Arsenal hefur áhuga á að semja við miðjumanninn Lorenzo Pellegrini. Sky Sports greinir frá þessu.
Þessi 21 árs gamli leikmaður er á mála hjá Roma á Ítalíu og spilaði 37 leiki fyrir liðið á síðustu leiktíð.
Juventus hefur einnig sýnt Pellegrini áhuga en hann er falur fyrir 26 milljónir punda.
Roma er nú þegar byrjað að leita að eftirmanni Pellegrini en það er Bryan Cristante hjá Atalanta.
Unai Emery tók við Arsenal á dögunum og gæti Pellegrini verið sá fyrsti sem hann fær til Arsenal.
