Það fór fram bragðdaufur leikur í Kópavogi í kvöld þar sem Víkingur Reykjavík heimsótti Breiðablik.

Það var ekki boðið upp á veislu í leik kvöldsins sem lauk með markalausu jafntefli.

Hér má sjá það góða og slæma úr leiknum.

Plúsar:

Varnarleikur Víkinga var frábær, lokuðu öllum leiðum og gáfu mjög fá færi á sér.

Gunnleifur Gunnleifsson var mjög öruggur í markinu, Víkingar áttu nokkur fín færi en hann gerði vel í þeim öllu.

Ívar Orri Kristjánsson var flottur á flautunni, hélt góðri línu og steig varla feilspor.

Mínus:

Sóknarleikur Blika var hægur, hugmyndasnauður og heilt yfir bara mjög dapur. Virðast vera orðnir þreyttir eftir þessa löngu leikjatörn í MAÍ.

Hrjove Tokic var gjörsamlega skelfilegur þær 60 mínútur sem hann spilaði. Hélt bolta illa, spilaði honum illa frá sér og hlaupin hans inn í teig voru vægast sagt áhugalaus.