Real Madrid ætlar sér að reyna að fá Harry Kane, framherja Tottenham í sumar en það er Ramon Calderon, fyrrum forseti félagsins sem greinir frá þessu.
Ef það tekst hins vegar ekki þá ætlar spænska félagið að reyna að fá Robert Lewandowski, framherja Bayern Munich.
Calderon telur að Harry Kane muni ekki yfirgefa Tottenham í sumar en þrátt fyrir það mun Real Madrid reyna við leikmanninn, samkvæmt forsetanum fyrrverandi.
Lewandowski greindi frá því fyrr á þessu tímabili að hann vildi komast burt frá Þýskalandi en hann hefur spilað í landinu síðan árið 2010.
Bayern Munich hefur lítinn áhuga á því að selja einn sinn besta mann en þeir gætu neyðst til að láta hann fara, ef heldur því fram til streitu að hann ætli sér til Spánar.