Marc Wilmots fyrrum þjálfari Belgíu hefur sakað Thibaut Courtois markvörð og faðir hans um að leka öllu.
Byrjunarlið Belgíu lak alla jafna út í fjölmiðla fyrir leiki liðsins. Wilmots segir að það hafi komið í gegn Courtois feðgana.
,,Ég á erfitt með að sætta mig við það þegar ég tilkynni liðið mitt klukkan 18:00 að klukkan 18:15 sé það út um allt á netinu,“ sagði Wilmots.
Hann heldur því fram að fleiri en einn blaðamaður hafi sagt sér að þarna sé á ferðinni faðir markvarðarins.
,,Það er augljóst að það var leikmaður í liðinu sem lak því út og það er alvarlegt. Það sögðu mer nokkrir blaðamenn að faðir Courtois sagði þeim upplýsingarnar. Menn virða ekki sitt lið.“
,,Mér finnst þetta til skammar, ég þarf að bíða þangað til klukkutíma fyrir leik að sjá lið andstæðinganna.“