Everton tók á móti Newcastle í mánudagsleik ensku úrvalsdeildarinnar í kvöld en leiknum lauk með 1-0 sigri heimamanna.

Það var Theo Walcott sem skoraði eina mark leiksins á 51. mínútu með skoti af stuttu færi og lokatölur því 1-0 fyrir heimamenn.

Sam Allardyce, stjóri Everton var afar sáttur með að taka stigin þrjú í kvöld.

„Við stjórnuðum þessum leik meira og minna allan tímann, þeir pressuðu okkur aðeins á síðustu tíu mínútunum en helt yfir þá áttum við sigurinn skilinn,“ sagði stjórinn.

„Það er alltaf erfitt þegar að maður nær ekki að skora annað markið en við vörðumst vel og ég er ánægður með spilamennsku minna manna.“

„Vonandi getum við haldið áfram á þessari braut og núna er það bara leikurinn gegn Huddersfield sem tekur við. Við erum á réttri leið finnst mér og það er góður stígandi í spilamennsku okkar,“ sagði stjórinn að lokum.