Stuðningsmenn ÍA hafa stofnað félagið Sterkir Skagamenn en stofundnur félagsins var á dögunum. Skagafrettir.is segja frá.
Hópurinn ætlar sér að styrkja það starf sem unnið er að Knattspyrnufélaginu ÍA
,,Niðurstaðan af því spjalli er að þeir sem láta sig fótboltann á Skaganum varða myndu stofna með sér félagsskap sem geti orðið kröftugur fjárhagslegur og félagslegur stuðningsaðili og bakhjarl Knattspyrnufélags ÍA,“ segir á Skagafrettir.is
Skipuð var stjórn og þau sem voru kosin eru þau Örn Gunnarsson, Haraldur Ingólfsson, Magnús Brandsson, Jón Gunnlaugsson og Dýrfinna Torfadóttir.
Hver einstaklingur mun borga 100 þúsund krónur á ári og fer sú upphæð til ÍA í gegnum Sterka Skagamenn.
Nú þegar hafa 21 einstaklingur gengið til liðs við Sterka Skagamenn en þar má finna tvo landsliðsmenn í knattspyrnu, Arnór Smárason og Björn Bergmann Sigurðarson.
Þessir hafa gengið til liðs við Sterka Skagamenn.
Alfreð Karlsson, Arnór Smárason, Björn Bergmann Sigurðarson, Brynjólfur Guðmundsson, Dýrfinna Torfadóttir, Einar Brandsson, Gunnar Sigurðsson, Hannes Birgisson, Haraldur Ingólfsson, Haraldur Sturlaugsson, Heimir Fannar Gunnlaugsson, Katla Hallsdóttir, Magnús Brandsson, Magnús Guðmundsson, Ólafur Adolfsson, Smári Guðjónsson, Sturlaugur Haraldsson, Sævar Freyr Þráinsson, Örn Gunnarsson, Gísli Gíslason og Þórður Guðjónsson
