Joel Matip leikmaður Liverpool verður ekki meira með á tímabilinu vegna meiðsla á læri.
Matip meiddist í 2-1 sigri á Crystal Palace um helgina.
Það er því líklegt að Dejan Lovren taki sæti hans í liðinu og verði í hjarta varnarinnar gegn Manchester City á morgun með Virgil van Dijk. Þá er Ragnar Klavan áfram meiddur.
,,Hann er frá út tímabilið, hann ætti að ná byrjun undirbúningstímabilsins,“ sagði Klopp.
,,Er einhver hér sem getur spilað miðvörð? Þá er ég klár í spjall.“
Klopp sagði að mjög tæpt væri að Emre Can gæti spilað á morgun.
