Birkir Bjarnason var í byrjunarliði Aston Villa er liðið mætti gegn Reading á heimavelli í Championship deildinni í kvöld
Jón Daði Böðvarsson var ekki í leikmannahópi Reading vegna meiðsla.
Birkir leikur sem varnarsinnaður miðjumaður en hann kom liðinu yfir í upphafi síðari hálfleik.
Boltinn datt þá fyrir Birki fyrir utan teiginn og hamraði hann knettinum i netið. Laglegt mark frá miðjumanninum sem hefur stimplað sig vel inn í lið Villa árið 2018.
Smelltu hér til að sjá mark Birkis
Villa hlóð i tvö mörk eftir þetta og vann öruggan 3-0 sigur á heimavelli.
Aston Villa situr í fjórða sæti deildarinnar með 73 stig og ætti með öllu að ná sæti í umspili.
