Nathaniel Clyne, bakvörður Liverpool gæti spilað með liðinu um helgina gegn Crystal Palace en það er Liverpool Echo sem greinir frá þessu.
Joe Gomez, varnarmaður liðsins meiddist í landsleik með Englandi á dögunum og verður frá í einhvern tíma.
Liverpool er því í smá vandræðum í hægri bakvarðastöðunni þar sem að Trent Alexander-Arnold og Gomez hafa skipt stöðunni á milli sín á þessari leiktíð.
Clyne er að snúa aftur eftir erfið bakmeiðsli og hann gæti því fengið tækifæri um helgina í fjarveru Gomez.
Hann hefur ekkert spilað með liðinu á þessari leiktíð en hann var mikilvægur hlekkur í liðinu á síðustu leiktíð.
