Romelu Lukaku, framherji Manchester United hefur verið talsvert gagnrýndur fyrir sína frammistöðu á þessari leiktíð.

Þrátt fyrir það hefur hann skorað 14 mörk og lagt upp önnur 6 í 28 leikjum í ensku úrvalsdeildinni á þessari leiktíð.

Þá hefur hann skorað 22 mörk í öllum keppnum á leiktíðinni en hann hefur byrjað alla leiki liðsins í deildinni nema einn vegna höfuðmeiðsla.

„Stjórinn sér mig sem sinn persónulega þjón á vellinum sem er kannski skrítið því venjulega eru það miðjumennirnir sem eiga að djöflast og hlaupa eins og enginn sé morgundagurinn,“ sagði Lukaku.

„Ég legg alltaf hart að mér á vellinum en þegar allt kemur til alls þá er ég framherji og ég er dæmdur af þeim mörkum sem ég skora. Mourinho hefur hjálpað mér mikið en hann veit líka að ég hef baráttuandann sem þarf.“

„Ég hleyp mjög mikið fyrir liðið og stjórinn veit það. Ég mun alltaf setja liðið í fyrsta sæti, ég hef rætt það við hann og hann veit hvar ég stend,“ sagði hann að lokum.