Arsene Wenger, stjóri Arsenal vill alls ekki selja Alexis Sanchez til Manchester United en það er Martin Keown, fyrrum leikmaður Arsenal sem greinir frá þessu í kvöld.
Sanchez hefur verið sterklega orðaður við brottför frá félaginu að undanförnu en samningur hans rennur út í sumar.
United og Manchester City hafa bæði lagt fram tilboð í leikmanninn og stefnir í mikið kapphlaup hjá liðunum um Sanchez.
Keown segir að Wenger ætli sér að gera allt til þess að koma í veg fyrir að Sanchez fari til United og það sama á við um Mesut Ozil.
City hefur afgerandi forystu á toppi deildarinnar en United og Arsenal eru bæði að berjast um Meistaradeildarsæti og spilar það líka inn í ákvörðun Wenger.
