fbpx
Sport

Já, já, já! Frábær sigur Íslands gegn Svíum – Sá fyrsti í lokakeppni EM

Lokatölur 26-24 fyrir Ísland

Einar Þór Sigurðsson
Föstudaginn 12. janúar 2018 18:51

Ísland vann frábæran sigur á Svíum, 26-24, í fyrsta leik liðsins á Evrópumótinu í handbolta sem nú fer fram í Króatíu. Þetta var fyrsti sigur Íslands á Svíum í lokakeppni Evrópumóts. Íslenska liðið spilaði frábæran handbolta stóran hluta leiksins og átti sigurinn fyllilega skilið.

Íslenska liðið byrjaði leikinn af miklum krafti og náði strax öruggri forystu. Mestur var munurinn níu mörk í fyrri hálfleik, 14-5, en Svíar minnkuðu muninn fyrir hálfleik og var staðan 15-8 í hálfleik.

Sóknarleikurinn var frábær framan af fyrri hálfleik, Björgvin Páll var stórkostlegur í markinu og varnarleikur íslenska liðsins eins og hann gerist bestur. Aron Pálmarsson og Ólafur Guðmundsson fóru fyrir sóknarleik íslenska liðsins í fyrri hálfleik en aðrir lögðu einnig mikið af mörkum, Guðjón Valur Sigurðsson var drjúgur og Rúnar Kárason sömuleiðis.

Eins og við var að búast reyndi sænska liðið að þjarma að því íslenska í seinni hálfleik og skoruðu Svíar fyrstu tvö mörk seinni hálfleiks. Ísland svaraði að bragði og náði tíu marka forystu en þá kom slæmur kafli sem Svíar færðu sér í nyt. Sænska liðið minnkaði muninn hægt og bítandi og voru lokamínútúrnar nokkuð spennandi, þó Svíar hafi aldrei komist mjög nálægt íslenska liðinu. Minnstur var munurinn í raun í leikslok, 26-24.

Ólafur Guðmundsson var valinn maður leiksins, enda átti hann frábæran leik. Hann var markahæstur í íslenska liðinu með 7 mörk en næstir í markaskorun komu Arnór Þór Gunnarsson, Rúnar Kárason og Guðjón Valur Sigurðsson með 5 mörk. Aron Pálmarsson skoraði þrjú mörk en lagði upp nokkur mörk.
Björgvin Páll Gústavsson varði 17 skot í íslenska markinu.

Frábær sigur Íslands staðreynd en framundan eru leikir gegn Króötum og Serbum í riðlinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Í gær

Neitaði að spila sinn fyrsta landsleik í dag – Lofuðu að bróðir hans yrði í landsliðinu

Neitaði að spila sinn fyrsta landsleik í dag – Lofuðu að bróðir hans yrði í landsliðinu
433Sport
Í gær

‘Sjálfselskur’ Koscielny vildi sjá Frakkland tapa á HM – ,,Þetta var ánægjulegt en líka viðbjóðslegt“

‘Sjálfselskur’ Koscielny vildi sjá Frakkland tapa á HM – ,,Þetta var ánægjulegt en líka viðbjóðslegt“
433Sport
Fyrir 2 dögum

Fann Mourinho hágrátandi í liðsrútunni

Fann Mourinho hágrátandi í liðsrútunni
433Sport
Fyrir 2 dögum

Sorgarsaga stráks sem fór úr utandeildinni til Bayern Munchen – Spilar fyrir áhugamannalið og vinnur hjá Amazon

Sorgarsaga stráks sem fór úr utandeildinni til Bayern Munchen – Spilar fyrir áhugamannalið og vinnur hjá Amazon
433Sport
Fyrir 3 dögum

Notaði furðulega aðferð til að reyna að komast inn á völlinn – Var rekinn burt

Notaði furðulega aðferð til að reyna að komast inn á völlinn – Var rekinn burt
433Sport
Fyrir 3 dögum

Sjáðu ótrúlegt mark Salah – Var hann að reyna þetta?

Sjáðu ótrúlegt mark Salah – Var hann að reyna þetta?
433Sport
Fyrir 4 dögum

Grátlegt jafntefli gegn heimsmeisturunum í Frakklandi

Grátlegt jafntefli gegn heimsmeisturunum í Frakklandi
433Sport
Fyrir 4 dögum

Plús og mínus eftir grátlegt jafntefli við Frakkland – Ekki vera hentistefnumaður og kauptu þér miða

Plús og mínus eftir grátlegt jafntefli við Frakkland – Ekki vera hentistefnumaður og kauptu þér miða