Sport

Já, já, já! Frábær sigur Íslands gegn Svíum – Sá fyrsti í lokakeppni EM

Lokatölur 26-24 fyrir Ísland

Einar Þór Sigurðsson
Föstudaginn 12. janúar 2018 18:51

Ísland vann frábæran sigur á Svíum, 26-24, í fyrsta leik liðsins á Evrópumótinu í handbolta sem nú fer fram í Króatíu. Þetta var fyrsti sigur Íslands á Svíum í lokakeppni Evrópumóts. Íslenska liðið spilaði frábæran handbolta stóran hluta leiksins og átti sigurinn fyllilega skilið.

Íslenska liðið byrjaði leikinn af miklum krafti og náði strax öruggri forystu. Mestur var munurinn níu mörk í fyrri hálfleik, 14-5, en Svíar minnkuðu muninn fyrir hálfleik og var staðan 15-8 í hálfleik.

Sóknarleikurinn var frábær framan af fyrri hálfleik, Björgvin Páll var stórkostlegur í markinu og varnarleikur íslenska liðsins eins og hann gerist bestur. Aron Pálmarsson og Ólafur Guðmundsson fóru fyrir sóknarleik íslenska liðsins í fyrri hálfleik en aðrir lögðu einnig mikið af mörkum, Guðjón Valur Sigurðsson var drjúgur og Rúnar Kárason sömuleiðis.

Eins og við var að búast reyndi sænska liðið að þjarma að því íslenska í seinni hálfleik og skoruðu Svíar fyrstu tvö mörk seinni hálfleiks. Ísland svaraði að bragði og náði tíu marka forystu en þá kom slæmur kafli sem Svíar færðu sér í nyt. Sænska liðið minnkaði muninn hægt og bítandi og voru lokamínútúrnar nokkuð spennandi, þó Svíar hafi aldrei komist mjög nálægt íslenska liðinu. Minnstur var munurinn í raun í leikslok, 26-24.

Ólafur Guðmundsson var valinn maður leiksins, enda átti hann frábæran leik. Hann var markahæstur í íslenska liðinu með 7 mörk en næstir í markaskorun komu Arnór Þór Gunnarsson, Rúnar Kárason og Guðjón Valur Sigurðsson með 5 mörk. Aron Pálmarsson skoraði þrjú mörk en lagði upp nokkur mörk.
Björgvin Páll Gústavsson varði 17 skot í íslenska markinu.

Frábær sigur Íslands staðreynd en framundan eru leikir gegn Króötum og Serbum í riðlinum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 20 klukkutímum

Lyfti heimsmeistaratitlinum en hefur aldrei spilað landsleik – Sá fyrsti frá 1982

Lyfti heimsmeistaratitlinum en hefur aldrei spilað landsleik – Sá fyrsti frá 1982
433Sport
Í gær

Sjáðu atvikið sem allir eru að tala um – Rosenborg fékk víti á þetta í uppbótartíma

Sjáðu atvikið sem allir eru að tala um – Rosenborg fékk víti á þetta í uppbótartíma
433Sport
Í gær

,,Flautusjúkur dómari fær falleinkunn“

,,Flautusjúkur dómari fær falleinkunn“
433Sport
Í gær

Valur úr leik í Meistaradeildinni eftir ótrúlegan leik í Noregi

Valur úr leik í Meistaradeildinni eftir ótrúlegan leik í Noregi
433Sport
Fyrir 2 dögum

Fyrrum leikmaður Liverpool elskar Heimi – ,,Auðmjúkur og skemmtilegur“

Fyrrum leikmaður Liverpool elskar Heimi – ,,Auðmjúkur og skemmtilegur“
433Sport
Fyrir 2 dögum

Gylfi sendi Heimi fallega kveðju – ,,Minningar sem við munum aldrei gleyma“

Gylfi sendi Heimi fallega kveðju – ,,Minningar sem við munum aldrei gleyma“