Sport

Jóhann Hjartarson Norðurlandameistari í skák

Hlaut 7,5 vinninga í níu skákum – Tryggði sér þátttökurétt á Heimsbikarmótinu í skák

Björn Þorfinnsson
Sunnudaginn 2. júlí 2017 13:00

Stórmeistarinn Jóhann Hjartarson vann það stórkostlega afrek rétt í þessu að tryggja sér Norðurlandameistaratitilinn í skák. Fyrir utan hinn eftirsótta titil tryggir Jóhann sér þar með eina sætið sem var í boði á Heimsbikarmótið í skák sem fram fer síðar á árinu. Árangur Jóhanns er glæsilegur þegar haft er í huga að helstu keppinautar hans eru atvinnumenn í skák en Jóhann lagði skákborðið á hilluna fyrir rúmum tveimur áratugum.

Þetta er í annað sinn sem Jóhann hreppir Norðurlandameistaratitilinn en síðasti sigur hans var fyrir 20 árum, árið 1997 þegar mótið fór fram hér á landi.

Þá varð Lenka Ptacnikova Norðurlandameistari kvenna í þriðja sinn. Sigur Lenku var afar öruggur og kærkominn.

Norðurlandamótið fór fram í Vaxjö í Svíþjóð og tryggði Jóhann sér sigurinn með öruggu jafntefli gegn sænska alþjóðlega meistaranum Jonathan Westerberg. Skákin var ekki beint spennandi en hinsvegar sáu tæknimálin um það. Á ögurstundu klikkaði beina útsendingin á vefsíðu mótsins og supu íslenskir skákáhugamenn kveljur yfir því að geta ekki fylgst með gangi mála. Loks staðfesti íslenskur skákstjóri mótsins, G. Sverrir Þór, að Jóhann hafði tryggt sér jafntefli.

Það þýddi að Jóhann hafði önglað saman 7,5 vinningum í 9 skákum. Helsti keppinautur Jóhanns, sænski stórmeistarinn Nils Grandelius, vann sína skák gegn danska alþjóðlegameistaranum Jesper Sondergaard Thybo, sem þýddi að hann hlaut einnig 7,5 vinninga. Til þess að skera úr um sigurvegara voru reiknuð stig milli stórmeistaranna. Aðferðin er þannig að lagðir voru saman vinningafjöldi andstæðinga Jóhanns og Grandelius.

Samkvæmt útreikningum blaðamanns hefur Íslendingurinn þar betur og verður því stórmeistarinn Jóhann Hjartarson útnefndur Norðurlandameistari á verðlaunaafhendinu síðar í dag.

Íslandsmeistarinn Guðmundur Kjartanssson tók einnig þátt í mótinu fyrir Íslands hönd en náði sér ekki á strik.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

433Sport
Fyrir 14 klukkutímum

Páll fékk sér samloku og Atla var ekki skemmt: ,,Með bumbuna hangandi yfir buxnastrenginn“

Páll fékk sér samloku og Atla var ekki skemmt: ,,Með bumbuna hangandi yfir buxnastrenginn“
433Sport
Fyrir 15 klukkutímum

Gylfi er í 48 sæti yfir bestu leikmenn í heimi

Gylfi er í 48 sæti yfir bestu leikmenn í heimi
433Sport
Í gær

Leikmennirnir sem gætu bjargað Mourinho – Sjáðu hverjir þeir eru og hvað þeir kosta

Leikmennirnir sem gætu bjargað Mourinho – Sjáðu hverjir þeir eru og hvað þeir kosta
433Sport
Í gær

Unnu Ísland 6-0 en töpuðu gegn liði í 96. sæti styrkleikalista FIFA

Unnu Ísland 6-0 en töpuðu gegn liði í 96. sæti styrkleikalista FIFA
433Sport
Í gær

Er Siggi Jóns sá ofmetnasti í sögu Íslands?: Logi Geirsson segir bakið ekki þola þetta – ,,Elvar mig langar að rassskella þig „

Er Siggi Jóns sá ofmetnasti í sögu Íslands?: Logi Geirsson segir bakið ekki þola þetta – ,,Elvar mig langar að rassskella þig „
433Sport
Í gær

Þegar Guðjón fór í hart við Grindavík: Skútan marraði bara í kafi – ,,Guðjón lýgur alveg hiklaust og það er alveg ömurlegt að horfa uppá það“

Þegar Guðjón fór í hart við Grindavík: Skútan marraði bara í kafi – ,,Guðjón lýgur alveg hiklaust og það er alveg ömurlegt að horfa uppá það“
433Sport
Fyrir 2 dögum

Strippbúlluhneyksli KSÍ: Rukkað fyrir kampavín og klám – ,,Ég drekk ekki einu sinni kampavín“

Strippbúlluhneyksli KSÍ: Rukkað fyrir kampavín og klám – ,,Ég drekk ekki einu sinni kampavín“
433Sport
Fyrir 2 dögum

Kaupstefna United verður að breytast og þetta sannar það

Kaupstefna United verður að breytast og þetta sannar það