Heimsmeistaramótið í handbolta hefst í dag en Íslendingar mæta Spánverjum í sínum fyrsta leik á morgun. Mikil óvissa er uppi um þátttöku Arons Pálmarssonar stórskyttu, sem hefur glímt við meiðli í nára í um tvo mánuði.
Í Fréttablaðinu í dag er rætt við Aron. „Það er auðvitað möguleiki að sleppa fyrsta eða jafnvel tveim fyrstu [leikjunum]. Á meðan möguleikinn er fyrir hendi að ég geti spilað þá mun ég vera hérna. Ef ég verð ekki orðinn nógu góður fyrir þriðja eða fjórða leik þá hef ég ekkert að gera hérna.“
Aron var sprautaður í nárann fyrir nokkrum dögum og beðið er eftir að sú sprauta nái fullri virkni. Hann segist vera orðinn mjög pirraður á því að vera meiddur. „Það versta fyrir íþróttamann er að vera meiddur og þetta er ógeðslega leiðinlegt.