Íslenska karlalandsliðið í knattspyrnu, að mestu skipað leikmönnum sem leika á Íslandi og í Skandinavíu, vann 2-0 sigur á Kína á fjögurra liða móti í Kína í dag. Kjartan Henry Finnbogason skoraði fyrra mark Íslands, þegar hann hirti frákastið eftir gott skot Björns Daníels Sverrissonar. Markið kom um miðjan síðari hálfleik, á 65. mínútu.

Síðara mark Íslands skoraði Fjölnismaðurinn Aron Sigurðarson, leikmaður Molde í Noregi, eftir hraða sókn Íslands. Markið skoraði hann á 89. mínútu. Kínverjum, sem voru sprækir í fyrri hálfleik og sköpuðu sér þá nokkur góð færi, tókst ekki að svara svo 2-0 urðu lokatölur.

Ísland mætir í úrslitaleik þessa æfingamóts sigurvegurum í leik Chile og Króatíu en þau eigast við á morgun.

Hér má sjá samantekt úr leiknum: