Kona á fimmtugsaldri var handtekin Cincinnati, Bandaríkjunum síðastliðinn föstudag eftir að hafa stolið sjúkrabíl. Starfsmaður sjúkrahússins tilkynnti þjófnaðinn til lögreglu sem hafði upp á konunni með því að rekja GPS búnað sjúkrabílsins.
Við skýrslutöku viðurkenndi hin 43 ára gamla Lisa Carr brot sitt. Hún hafði að eigin sögn misst af seinasta strætisvagni kvöldsins þegar hún var útskrifuð af spítalanum. Því brá hún á það ráð að aka heim í sjúkrabíl sem stóð mannlaus en gangsettur fyrir utan spítalann.
Lisa var kærð fyrir þjófnað, aksturs án ökuréttinda og fyrir að óhlýðnast fyrirmælum lögreglu. Í frétt Metro er tekið fram að hún hafi þó ekið undir hámarkshraða meðan lögreglan elti hana.