Magnað myndband af fagnaðarlátum
Leicester City varð í kvöld Englandsmeistari eftir að keppinautar þeirra í Tottenham gerðu 2-2 jafntefli gegn Chelsea á Stamford Bridge. Þar með er Leicester með sjö stiga forskot þegar tvær umferðir eru eftir.
Gleðin var að vonum mikil í herbúðum Leicester-liðsins, en leikmenn liðsins komu saman og horfðu á leik Chelsea og Tottenham í kvöld. Það ætlaði gjörsamlega allt um koll að keyra þegar Mark Clattenburg flautaði leikinn af og braust gríðarlegur fögnuður út. Meðfylgjandi myndband birti austurríski bakvörðurinn Christian Fuchs á Twitter-síðu sinni.
Frábær árangur hjá Leicester sem margir spáðu falli áður en tímabilið hófst. Þess má geta að þetta er í fyrsta sinn í sögu Leicester sem félagið verður Englandsmeistari. Frábær árangur og meistaratitilinn verðskuldaður.
CHAMPIONS!!!! pic.twitter.com/pFtvo5XUNx
— Christian Fuchs (@FuchsOfficial) May 2, 2016