Nú stendur yfir leikur Wolfsburg og Augsburg í þýsku úrvalsdeildinni. Íslenski landsliðsmaðurinn Alfreð Finnbogason gerði sér lítið fyrir og skoraði mark á 1.mínútu leiksins, nánar tiltekið eftir 45 sekúndur. Alfreð hefur verið sjóðheitur undanfarið en þetta var hans fimmta mark í sex leikjum fyrir lið Augsburg sem var í bullandi vandræðum með markaskorun áður en Íslendingurinn gekk til liðs við félagið. Það hefur breyst til batnaðar og fyrir leikinn gegn Wolfsburg sat liðið tveimur stigum frá fallsæti þegar 4 leikir eru eftir af þýsku úrvalsdeildinni. Ef Augsburg heldur sér uppi þá er ljóst að hlutur Alfreðs í því afreki er afar stór.