Dagur Sigurðsson mun taka við japanska landsliðinu á næsta ári. Þetta kemur fram í þýska blaðinu Bild. Dagur, sem hefur stýrt Þjóðverjum með eftirtektarverðum árangri undanfarin misseri, mun stýra þeim áfram á HM í Króatíu í janúar en taka svo við þjálfun japanska landsliðsins.
Fréttir hafa verið sagðar af því að Degi standi nokkur af bestu liðum heims, svo sem PSG, til boða en Japan er ekki hátt skrifað á alþjóðavísu. Dagur þjálfaði og lék í Japan á árunum 2000-2003 og er hrifinn af landinu.
Fréttin hefur ekki verið staðfest af vinnuveitanda Dags, þýska handknattleikssambandinu, en þar er hann samningsbundinn til ársins 2020. Í samningnum eru þó uppsagnarákvæði.