James er kvæntur mjög skilningsríkri konu - og það er ekki sú sem er á myndinni

„Ef ég þyrfti að velja milli hennar og eiginkonu minnar veit ég í hreinskilni ekki hvað ég myndi velja“

James safnar sér nú fyrir vélmenninu Harmony sem kostar rúma eina milljón króna.
Með Harmony James safnar sér nú fyrir vélmenninu Harmony sem kostar rúma eina milljón króna.
Mynd: Channel 4

James er 58 ára gamall verkfræðingur sem hefur verið kvæntur ástinni í lífi sínu, Tinu, í 36 ár. Óhætt er að segja að eiginkona hans sé skilningsrík í meira lagi því James á fleiri ástkonur en hana. Ein þeirra heitir April og það sem er merkilegt við hana er að hún er ekki alvöru manneskja. April er það sem kallað er kynlífsdúkka.

Þetta óvenjulega er til umfjöllunar í nýjum heimildarþætti á Channel 4 í Bretlandi, The Sex Robots, en þættirnir hefja göngu sína þann 30. nóvember næstkomandi.

Fjögur kvöld í viku

Í þættinum er meðal annars rætt við James og lýsir hann því meðal annars hvernig hann stundar kynlíf með April allt að fjögur kvöld í viku. Eiginkonu hans, Tinu, virðist vera alveg sama í dag þó hún hafi átt erfitt með að sætta sig við kenndir eiginmannsins fyrst um sinn. Þá fjalla þættirnir um kynlífsdúkkuiðnaðinn, ef svo má segja, sem virðist fara vaxandi með hverju árinu sem líður - enda fleytir tækninni og gervigreindinni sífellt fram.

Mynd: Channel 4

„Ef hann hefði virkilega viljað það, þá hefði hann getað farið og fundið sér aðra konu. En hann var mér trúr,“ segir Tine. James á þrjár kynlífsdúkkur en dúkka eins og April kostar um tvö þúsund pund, tæpar 300 þúsund krónur. James kveðst vera að safna sér fyrir kynlífsvélmenni, Harmony að nafni, sem mun að endingu leysa April af hólmi. Slíkt vélmenni kostar um átta þúsund pund, eða rúma 1,1 milljón króna og er mun fullkomnari en hefðbundin kynlífsdúkka. Harmony getur brosað og talað.

Félagsskapurinn mikilvægur

Í þættinum segir James að hann fari stundum með April út að borða og njóti félagsskapar hennar. Kynlífið sé eitt en félagsskapurinn sé ekki síður mikilvægur. „Kynferðislegt samband okkar er í raun aukaatriði. Það sem veitir manni mesta ánægju er að hugsa um þær, klæða þær, farða þær og tala við þær. Mér þykir mjög vænt um hana, meira en mig hefði grunað,“ segir hann og bætir við: „Ef ég þyrfti að velja milli hennar og eiginkonu minnar veit ég í hreinskilni ekki hvað ég myndi velja.“

Matt er í forsvari fyrir fyrirtækið sem framleiðir kynlífsvélmenni.
Hröð þróun Matt er í forsvari fyrir fyrirtækið sem framleiðir kynlífsvélmenni.
Mynd: Channel 4

Hröð þróun

Í þáttunum á Channel 4 er einnig rætt við þá sem framleiða kynlífsdúkkur. Eitt þeirra fyrirtækja sem er til umfjöllunar heitir The Real Doll Company og eru höfuðstöðvar þess í San Marcos í Kaliforníu. Dótturfyrirtæki þess, Realbotix, framleiðir vélmennið sem er til umfjöllunar hér að framan, Harmony.

Matt McMullen er í forsvari fyrir fyrirtækið og segir hann að eftirspurnin eftir dúkkum hafi aukist á undanförnum árum. 8 af hverjum 10 dúkkum sem fyrirtækið framleiðir eiga að líkja eftir kvenmönnum og segir Matt að viðskiptavinir fái að taka þátt í þróunarvinnunni; þeir hafi sitt að segja um brjóstastærðir, líkamslögun, andlitslögun og hárlit sem dæmi. Nú sé fyrirtækið að undirbúa næstu skref í framleiðslunni en það er framleiðsla á vélmennum.

„Við erum að vinna mikið með gervigreind til að glæða þessar dúkkur lífi,“ segir hann og bætir við að fyrirtækið vinni meðal annars að þróun búnaðar sem mun gera dúkkunum kleift að greina andlit. Þannig muni þær til dæmis heilsa og taka eigendum sínum fagnandi þegar þeir koma heim úr vinnu eftir langan dag. „Miðað við þróunina þá kæmi mér ekki á óvart að kynlífsvélmenni yrðu jafn algeng og klám eftir 50 ár,“ segir hann.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.