Menning

Tuttugu árum seinna

Prinsessa fólksins er ekki gleymd

Kolbrún Bergþórsdóttir
Laugardaginn 2. september 2017 19:30

Bæði RÚV og Stöð 2 sýndu heimildamynd um Díönu prinsessu nú þegar 20 ár eru liðin frá sviplegum dauða hennar. Allan ágústmánuð hafa breskar sjónvarpsstöðvar sýnt myndir um konuna sem er enn í hugum fólks prinsessa fólksins. Í heimildamyndinni sem RÚV sýndi var meðal annars rætt við ættingja og vini Díönu.

Þarna voru mörg góð viðtöl. Sterkust voru viðtölin við syni hennar, Vilhjálm og Harry, sem eru áberandi lausir við hroka og yfirlæti og virðast hafa hlýja nærveru sem kóngafólk skortir svo oft. Slíkt fólk er yfirleitt ekki mikið fyrir að faðma fólk og snerta það, eins og Díana átti svo auðvelt með. Bræðurnir voru stundir klökkir þegar þeir töluðu um fráfall móður sinnar. Það hvílir greinilega einnig þungt á þeim að fjölmiðlar hundeltu Díönu hvert sem hún fór og reyndu jafnvel að espa hana upp til að ná myndum af henni í uppnámi. Ljót er svo sagan af því hvernig þeir þreyttust ekki á að taka myndir af henni þar sem hún var deyjandi í bílflaki í undirgöngum í Parísarborg. Harry prins var nálægt því að komast í uppnám þegar hann talaði um það. Þetta var falleg mynd sem gaf trúverðuga mynd af konu sem var sannarlega ekki gallalaus og ekki alltaf hamingjusöm en kunni um leið að gleðjast og átti afar auðvelt með að sýna öðrum hlýju og góðvild.

Hún er enn prinsessa fólksins.
Í minningu Díönu Hún er enn prinsessa fólksins.

Sama kvöld og myndin var sýnd á RÚV sýndi fréttastofan Sky myndir af því þegar bræðurnir komu að Kensingtonhöll til að leggja blóm við hlið hallarinnar og skoðuðu um leið myndir og skilaboð sem almenningur hafði komið þar fyrir. Þetta gerðu prinsarnir 20 árum eftir að hafa verið harmi slegnir á sama stað. Þá eins og nú skoðuðu þeir blómahafið og lásu skilaboð sem þar voru í minningu prinsessu sem fólki þótti og þykir enn svo afskaplega vænt um.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Menning
Fyrir 5 dögum

Maroon 5 flytur vinsælt lag Bob Marley fyrir Hyundai

Maroon 5 flytur vinsælt lag Bob Marley fyrir Hyundai
Menning
Fyrir 5 dögum

Viðhafnartónleikar í október: Sálin kveður

Viðhafnartónleikar í október: Sálin kveður
Menning
Fyrir 9 dögum

Bókin á náttborði Steingerðar

Bókin á náttborði Steingerðar
Menning
Fyrir 10 dögum

Skjárýnirinn: „Geggjaðir þættir um nörda sem eru alltaf alveg að meika það“

Skjárýnirinn: „Geggjaðir þættir um nörda sem eru alltaf alveg að meika það“
Menning
Fyrir 11 dögum

Frægur leikstjóri mælir með Björk: „Besta plata í heiminum til þess að ríða við“

Frægur leikstjóri mælir með Björk: „Besta plata í heiminum til þess að ríða við“
Menning
Fyrir 11 dögum

Tónleikar Jessie J: Hver er Sebastian á bílaleigunni?

Tónleikar Jessie J: Hver er Sebastian á bílaleigunni?
Menning
Fyrir 13 dögum

Orange is the New Black: Fangarnir í Litchfield snúa aftur í júlí

Orange is the New Black: Fangarnir í Litchfield snúa aftur í júlí
Menning
Fyrir 13 dögum

Vinnuslys Jeremy Renner breytti öllu: Með tölvuteiknaða handleggi í nýrri kvikmynd

Vinnuslys Jeremy Renner breytti öllu: Með tölvuteiknaða handleggi í nýrri kvikmynd