Menningarverðlaun DV fyrir árið 2016 verða veitt miðvikudaginn 15. mars næstkomandi klukkan 17.00 í Iðnó. 45 verkefni, hópar og einstaklingar eru tilnefndir til verðlaunanna í ár í níu flokkum; kvikmyndum, leiklist, dansi, tónlist, myndlist, arkitektúr, hönnun, bókmenntum og fræðum. Auk þessara níu verðlauna veitir forseti Íslands sérstök heiðursverðlaun og lesendaverðlaun dv.is verða afhent.

Nú stendur yfir netkosning á dv.is þar sem lesendum gefst tækifæri til að kjósa þá tilnefningu sem þeim líst best á – sú tilnefning sem hlýtur flest atkvæði í netkosningunni sem lýkur á miðnætti 14. mars hreppir lesendaverðlaun dv.is. Hægt er að skoða allar tilnefningarnar og taka þátt í kosningunni á http://www.dv.is/fbkosning/menningarverdlaun-dv-2016/

Þegar fréttin er skrifuð eru eftirfarandi tilnefningar í efstu sætunum.

1. Græni hatturinn, tónleikastaður, sem tilnefndur er í flokki tónlistar.
2. Ásrún Magnúsdóttir danshöfundur og stelpurnar sem dansa í verkinu Grrrrrls, en þær eru tilnefndar í flokki danslistar.
3. Helena Jónsdóttir, dans- og kvikmyndagerðarkona, sem er tilnefnd fyrir brautryðjendastarf í dansmyndagerð á Íslandi.
4. Skrifstofur og verksmiðja Alvogen, sem eru hannaðar af PKdM arkitektum
5. Leikhópur Hjartasteins, sem er tilnefndur í flokki kvikmyndalistar.
6. Tulipop sem er tilnefnt í hönnunarflokki.
7. Katie Buckley hörpuleikari sem tilnefnd er í flokki tónlistar.
8. Saxhóll, viðkomu- og útsýnisstaður hannaður af landslagsarkitektastofunni Landslag, sem tilnefndur er í flokki byggingarlistar.
9. Sólveig Guðmundsdóttir leikkona sem er tilnefnd fyrir leik sinn í Illsku og Sóley Rós ræstitækni.
10. Leikhópurinn Kriðpleir sem tilnefdur í flokki leiklistar fyrir handrit og uppfærslu Ævisögu einhvers

TAKTU ÞÁTT Í KOSNINGUNNI