Árið hefur verið gott í íslenskri klassískri tónlist og sést það meðal annars á listum yfir bestu plötur ársins sem nú eru farnir að birtast víða um heim. Tónlistarbókasafnið Naxos hefur valið plötuna Recurrence með Sinfóníuhljómsveit Íslands undir stjórn Daníels Bjarnasonar sem áhugaverðustu plötu ársins, en þar leikur sveitin verk eftir fjögur íslensk nútímatónskáld í yngri kantinum: Önnu Þorvaldsdóttur, Maríu Huld Markan Sigfúsdóttur (úr Amiinu), Þuríði Jónsdóttur og Hlyn Aðils Vilmarsson. Þá hefur bandaríska útvarpsstöðin NPR valið Piano Works með Víkingi Heiðari Ólafssyni, sem fjórðu bestu klassísku plötu ársins. Á plötunni sem kom út hjá Deutsche Grammophone leikur Víkingur píanóverk eftir bandaríska tónskáldið Phillip Glass.