Tíu fræðirit tilnefnd til verðlauna Hagþenkis – Verðlaunin veitt í mars
Tíu fræðirit eru tilnefnd til viðurkenningar Hagþenkis 2015 sem verða veitt í mars, en tilnefningarnar voru kynntar í Borgarbóksafninu rétt í þessu. Hagþenkir, félag höfunda fræðirita og kennslugagna, hefur frá árinu 1986 veitt viðurkenningu fyrir fræðirit, námsgögn eða aðra miðlun fræðilegs efnis til almennings. En frá 2006 hefur tíðkast að tilnefna tíu höfunda og bækur til verðlaunanna.
Í ár eru eftirfarandi höfundar og bækur tilnefndar:
Bjarni F. Einarsson. Landnám og landnámsfólk. Saga af bæ og blóti. Skrudda.
Bjarni Guðmundsson. Íslenskir sláttuhættir. Opna og Hið íslenska bókmenntafélag.
Gunnar Þór Bjarnason. Þegar siðmenningin fór fjandans til. Íslendingar og stríðið mikla 1914–1918. Mál og menning. (Lestu ritdóm DV um bókin)
Mörður Árnason (umsjón og ritstjórn). Passíusálmarnir. Crymogea. (Lestu viðtal DV við Mörð)
Ólafur Gunnar Sæmundsson. Lífsþróttur, næringarfræði fróðleiksfúsra. Ós.
Páll Baldvin Baldvinsson. Stríðsárin 1938–1945. JPV. (Lestu viðtal DV við Pál Baldvin)
Silja Bára Ómarsdóttir og Steinunn Rögnvaldsdóttir. Rof. Frásagnir kvenna af fóstureyðingum. Háskólaútgáfan. (Lestu viðtal DV við Silju og Steinunni.)
Smári Geirsson. Stórhvalaveiðar við Ísland til 1915. Sögufélag.
Soffía Auður Birgisdóttir. Ég skapa — þess vegna er ég. Um skrif Þórbergs Þórðarsonar. Opna. (Lestu viðtal DV við Soffíu)
Þórunn Sigurðardóttir. Heiður og huggun. Erfiljóð, harmljóð og huggunarkvæði á 17. öld. Stofnun Árna Magnússonar í íslenskum fræðum.
