Klukkan rúmlega 4:00 í nótt var óskað eftir aðstoð lögreglu á skemmtistað í borginni. En þar höfðu dyraverðir yfirbugað mann sem hafði sýnt af sér ógnandi hegðun á staðnum. Hann neitaði að yfirgefa staðinn og var færður á lögreglustöðina á Hverfisgötu með valdi. Þar neitað hann að fara að fyrirmælum og hélt uppteknum hætti. Ákveðið var að vista hann í fangageymslu þar sem af honum rynni.

Klukkan 00:20 var maður handtekinn eftir að hann veittist að dyraverði skemmtistaðar með hnefahöggi. Hann var látinn laus eftir yfirheyrslu á Hverfisgötu.

Töluvert var um áfengis og fíkniefnaakstur í gærkvöldi og nótt og stöðvaði lögreglan marga bíla víða í Reykjavík, Kópavogi og Mosfellsbæ.

Klukkan 23:00 var ökumaður tekinn við Kringluna og fundust á bæði honum og farþega lítilræði af fíkniefnum.

Laust yfir miðnætti var tilkynnt um hugsanlegan ölvunarakstur í miðbænum en þegar lögreglan kom að var bifreiðin mannlaus. Tveir aðilar fundust skammt frá og voru færðir á lögreglustöðina til blóðtöku og yfirheyrslu.