Eyþór sótti að Degi B. Eggertssyni, borgarstjóra, og núverandi meirihlutaflokkum í umræðuþætti Ríkisútvarpsins í gærkvöldi. Gagnrýnin snerist aðallega um seinagang í uppbyggingu íbúðarhúsnæðis. „Borgarstjórinn er með höfuðborgina, hann er með öll tækin til þess að fara í þessi mál, hann hefur haft átta ár. Þessi borg byggði Breiðholtið, Árbæinn, Grafarvoginn og öll þessi hverfi af krafti komin með félagslegt kerfi og leiddi þá þróun“ sagði Eyþór.
Mikil spenna er fyrir kosningarnar í Reykjavík en á föstudag birtust tvær skoðanakannanir sem sýndu mjög mismunandi niðurstöður.
Í könnun Fréttablaðsins mældist Sjálfstæðisflokkurinn með 26,3 prósent fylgi, sjö fulltrúa, og töluvert á eftir Samfylkingunni. En í könnun Gallups mældist flokkurinn stærstur í Reykjavík með 28,3 prósent og átta fulltrúa.
