Eldur kom upp í bifreið á Eyrarbakka rétt eftir klukkan sex í morgun. Eins og meðfylgjandi mynd ber með sér var mikill eldur í bílnum og var viðbúnaður viðbragsaðila mikill, enda var bifreiðin við bensíndælu á bensínstöð þegar eldurinn kom upp.
„Fyrstu aðilar á vettvang slógu verulega á eldinn með duftslökkvitækjum en eftir að dælubifreið frá Brunavörnum Árnessýslu kom á vettvang gekk slökkvistarf greiðlega,“ segir í Facebook-færslu Brunavarna Árnessýslu. Talið er að eldurinn hafi kviknað út frá vélbúnaði.
