Sigmundur Davíð Gunnlaugsson, þingmaður Miðflokksins og fyrrverandi forsætisráðherra, mætti í Kryddsíldina á gamlársdag venju samkvæmt.
Áður en Sigmundur kom í hús biðu óvæntir gestir eftir Sigmundi í þeim tilgangi að veita honum sérstök verðlaun fyrir árið 2018. Um var að ræða þá Ólaf Sigurðsson og Leif Benediktsson, skiltakarlana svokölluðu, sem voru þarna komnir til að veita Sigmundi verðlaun fyrir að vera „spilltasti stjórnmálamaður ársins 2018“.
Þetta er ekki í fyrsta sinn sem skiltakarlarnir veita verðlaun af þessu tagi. Í fyrra hlaut Bjarni Benediktsson fjármálaráðherra þennan vafasama heiður.
Af myndbandinu að dæma virðist Sigmundur hafa búist við því að vera fá viðurkenningu fyrir eitthvað annað og jákvæðara en spillingu. Þegar lesið var upp af viðurkenningarskjalinu var Sigmundur fljótur að skila blómunum. „Er þetta svona rugl? Eigðu þá blómin þín,“ heyrist Sigmundur segja.
Myndbandið má sjá hér að neðan:
