Karlmaður var gómaður á Seyðisfirði í vikunni eftir að hafa komið með Norrænu til Íslands. Í ljós kom að í bínum voru 400-500 kíló af allskonar smyglvarningi, allt frá súrum gúrkum og pylsum til áfengis og snyrtivara.

RÚV greindi frá þessu á vef sínum.

Þar segir að svo virðist vera sem maðurinn hafi tekið að sér að fara í innkaupaleiðangur til Litháens fyrir Litháa á Íslandi. Virðist markmiðið hafa verið að flytja til landsins matvæli og varning sem fæst ekki hér eða er ódýrari í Litháen.

Maðurinn er sagður hafa reynt að komast hjá því að greiða aðflutningsgjöld. Málinu var ekki lokið á staðnum heldur sent til nánari rannsóknar hjá tollstjóra, að því er fram kemur í frétt RÚV.