Litháskur karlmaður hefur verið dæmdur í 15 mánaða fangelsi fyrir innflutning á tæpu kílói af kókaíni. Úrskurður féll í Héraðsdómi Reykjaness þann 6.september síðastliðinn.

Maðurinn var sakfelldur fyrir stórfellt fíkniefnalagabrot. Fram kemur í ákæru að hafi hafa aðfaranótt mánudagsins 11. júní 2018 staðið að innflutningi á samtals 1.038,42 g af kókaíni, sem hafði 37 prósent styrkleika, ætluðu til söludreifingar hér á landi í ágóðaskyni.

Fíkniefnin flutti hann til Íslands sem farþegi með flugi EW-880 frá Köln í Þýskalandi til Keflavíkurflugvallar. Efnin voru falin innvortis í líkama hans.

Maðurinn játaði brot sín fyrir dómnum og krafðist vægustu refsingar sem lög leyfa.

Við ákvörðun refsingar var litið til þess að maðurinn flutto hingað til lands talsvert magn af kókaíni, ætluðu til söludreifingar í ágóðaskyni. Játningin var þó talin honum til málsbóta. Þá leit dómurinn til þess að maðurinn kom einungis að flutningi efnanna til landsins en sá ekki um skipulagningu eða fjármögnun á innflutningum.

Við ákvörðun refsingar var einnig taka mið af styrkleika efnanna, en styrkleiki þess kókaíns sem maðurinn flutti til landsins var vægur, eða nærri þekktum neyslustyrk efnisins hér á landi.

Til frádráttar fangelsis refsingunni kemur gæsluvarðhald sem maðurinn sætti frá 11. júní.