Gústaf Níelsson, sagnfræðingur sem hefur verið viðloðandi stjórnmál og er þekktur fyrir umdeildar skoðanir og að vera bróðir Brynjar Níelssonar þingmanns, er lítt sáttur við þá ákvörðun Reykjavíkurborgar að starfsmannasalerni borgarinnar verði ókyngreind. Mannréttinda- og lýðræðisráð Reykjavíkurborgar hefur samþykkt að öll salerni fyrir starfsfólk í stjórnsýsluhúsum borgarinnar verði gerð ókyngreind frá og með næsta hausi. Þetta kemur meðal annars fram í frétt á mbl.is.
Gústafi þykir þetta vera ósvinna og talar tæpitungulaust um málið í stuttum pistli á Facebook. Segir hann meðal annars að eiginkona sín muni aldrei nota slík salerni:
„Það er ekki öll vitleysan eins. Stefna af þessu tagi er hreinræktuð vanvirðing við konur. Að minnsta kosti mun frú Bergþóra ekki nota salerni, sem einhverjir kallpungar eru búnir að spræna út. Þetta er auðvitað í stíl við allan sóðaskapinn sem tíðkast við stjórnun borgarinnar. Ég vænti þess að konur almennt muni mótmæla svona háttarlagi háum rómi.“
