Skemmtikrafturinn og grínistinn Björn Bragi Arnarson sló eftirminnilega í gegn í fyrra með myndbandi sínu um íslenska sumarið. Um var að ræða ádeilu á íslenska sumarið, sem er jafn óútreiknanlegt og íslenski fasteignamarkaðurinn eða því sem næst.

Veðrið á suðvesturhorninu hefur ekki verið upp á marga fiska það sem af er sumri; sólarstundir á höfuðborgarsvæðinu hafa sjaldan verið færri í júnímánuði en nú. Og ekki er útlitið fyrir júlímánuð bjart, í orðsins fyllstu merkingu. Íbúar í öðrum landshlutum, einkum Austurlandi, geta þó hrósað happi enda einmuna blíða þar þessa dagana.

Myndband Björns Braga fór á flug erlendis og hafa um þrjár milljónir horft á það nú þegar rúmt ár er liðið síðan hann var frumsýndur. Komu flest áhorfin einkum frá löndum þar sem sólin er ekki alltaf áberandi yfir sumartímann, til dæmis Finnlandi, Englandi, Póllandi og Eistlandi. „Sem sagt að miklu leyti frá löndum sem kannast við að þurfa að bíða eftir að sólin láti sjá sig,“ sagði Björn Bragi í samtali við Nútímann á sínum tíma.

Fjölmargir eru byrjaðir að deila myndbandi Björns Braga aftur – og það ekki að ástæðulausu. Sólin er komin í sumarfrí á suðvesturhorninu og ekki útlit fyrir að hún mætti aftur í bráð.

https://www.facebook.com/bjornbragi/videos/1210821812360526/?t=4