Mynd sem Knattspyrnusamband Íslands notar sem kynningu fyrir karlalandsliðið sem er á leið á HM í Rússlandi vekur deilur á samfélagsmiðlum. Líkt og Vísir greindi frá í gær þá hafa margir sett spurningamerki við myndmálið sem þykir minna á nasisma. Illugi Jökulsson rithöfundur segir á Fésbók að myndin sé „ótrúlega hallærisleg“ jafnvel þegar litið sé fram hjá því að S-ið sem er notað sé hið sama og SS-sveitir nasista notuðu á sínum tíma.

„Ísland kemur á HM sem sá allra, allra minnsti bróðir sem þar hefur komist í dyrastafinn og svona „víkingagorgeir“ og svona ofbeldisfantasíur eru alveg langt fyrir neðan allar hellur. Órarnir um að „brenna Moskvu“ eru bara takk fyrir vandræðalegir og höfundar þess arna ættu að skammast sín,“ segir Illugi og bætir við að nýjustu DNA-rannsóknir sýni að við séum minna en 50% komin af víkingum fyrir utan að forfeður- og mæður Íslendinga séu aðallega veiðimenn og bændur, húsfreyjur, sjómenn, smalar, eldabuskur, iðnaðarmenn og þrælar.

?? We are ready for Russia.

❔ What about you?#fyririsland pic.twitter.com/jexJTGxp4u

— Knattspyrnusambandið (@footballiceland) June 1, 2018

KSÍ hefur notað myndina á Twitter, segir Illugi að taka ætti myndina úr umferð þegar í stað: „Ef KSÍ stendur fyrir þessum ósköpum, ætti að draga þetta þegar í stað til baka.“