Systir Sharon Tate hatar ekki Manson

Charles Manson liggur á sjúkrahúsi alvarlega veikur, en hann var á sínum tíma dæmdur fyrir að skipuleggja morð á leikkonunni Sharon Tate og vinum hennar. Manson er orðinn 82 ára gamall. Deborah Tate, systir Sharon Tate, sagði nýlega í viðtali við Hollywood Reporter að hún hataði hvorki Manson né liðsmenn hans.

„Ég veit að margir óska honum alls hins versta … en vegna kristilegs uppeldis míns óska ég þessu fólki einskis ills,“ segir hún. Hún telur þó að Manson og liðsmenn hans hefðu átt að fá dauðadóm í staðinn fyrir lífstíðarfangelsi þegar réttað var yfir þeim. „Eina markmið mitt núna er að stuðla að því að þessir einstaklingar verði á bak við lás og slá alla ævi vegna þess að almenningi stafar hætta af þeim. Þeir eru haldnir alvarlegum persónuleikatruflunum sem munu ekki hverfa,“ segir Deborah.

Deborah saknar systur sinnar sárt. „Við Sharon vorum einstaklega nánar. Hún var veröld mín. Enginn þekkti hana lengur eða betur en ég.“

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.