Eflaust kannast margir foreldrar ungra barna við baslið og hamaganginn sem fylgir því að koma fjölskyldunni út úr húsi á morgnana. Meðal þeirra eru þau Corrie Lyn og Dan Gibson frá Ontario í Kanada sem eiga fjögur ung börn en rúmlega 40 milljón manns hafa nú horft á myndband sem Dan birtir á facebook og sýnir Corrie gera barnahópinn tilbúinn fyrir daginn.

Barnahópurinn samanstendur af tveggja ára dóttur þeirra ásamt átta mánaða þríburum. Eins og sjá má er enginn hægðarleikur fyrir Corrie að koma öllu börnunum í fötin. Öll þurfa þau sinn skerf af athygli. Í samtali við ABC News segir hún að hún njóti þess í botn að hugsa um börnin sín fjögur en viðurkennir jafnframt að það sé allt annað en auðvelt. „Þau hafa öll sínar þarfir og það er auðvelt að láta athyglina fara í fjórar mismunandi áttir. Þess vegna er erfiðast að finna jafnvægið í þessu öllu,“ segir hún og bætir við að hún gæti aldrei látið dæmið ganga upp ef að maður hennar sýndi henni ekki stuðning í einu og öllu.

Hún segist þó ekki taka undir fullyrðingu þeirra sem kalla hana „ofurmömmu“ í kjölfar þess að myndbandið dreifðist um facebook. „Ég er bara að gera það sem allar mæður myndu gera. Í mínum augum eru allar mömmur ofurmömmur,“ segir hún en myndbandið fá sjá hér fyrir neðan.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_US/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));