Gunnhildur Yrsa Jónsdóttir er gengin til liðs við Utah Royals en þetta var tilkynnt í dag.
Félagið er staðsett í Salt Lake City í Bandaríkjunum og var stofnað fyrir nokkrum dögum síðan.
Liðið mun leika í bandarísku kvennadeildinni í fyrsta sinn á komandi keppnistímabili.
Hún hefur spilað í Noregi síðan árið 2013 með liðum á borð við Arna-Björnar, Grand Bodo, Stabæk og Valerenga.
Gunnhildur á að baki 48 landsleiki fyrir Íslands og spilaði hún stórt hlutverk í liði Íslands á EM í Hollandi, síðasta sumar.
