Þessi átta mynbönd eru tilnefnd til Íslensku tónlistarverðlaunanna 2017
Á föstudag var tilkynnt hverjir hljóta tilnefningu til Íslensku tónlistarverðlaunanna 2017.
Undanfarin ár hafa þar verið veitt verðlaun fyrir besta tónlistarmyndbandið enda nokkur gróska í íslenskri tónlistarmyndbandagerð. Í ár eru bestu myndböndin valin í samstarfi við tónlistar- og jaðaríþróttavefinn Albumm.is.
Meðal bestu myndbandanna í ár kennir ýmissa grasa: afturhvarf til reif-tímans, löggur í ísbíltúr, bleikur reykur, herbergi sem snýst, matarboð og Högni Egilsson á hesti í óbyggðum.
Leikstjórinn Máni M. Sigfússon er sá eini sem tilnefndur fyrir tvö myndbönd í ár, en hann leikstýrði myndböndum fyrir Högna og Sóleyju.
Hér fyrir neðan má sjá öll myndböndin sem eru tilnefnd til verðlaunanna í ár.
Rökstuðningur dómnefndar: „Virkilega vel hugsað myndband sem fangar 90´s danstónlistar (rave) menninguna á íslandi. Lúkkar mjög vel og skemmtilegt fyrir augað!“
Rökstuðningur dómnefndar: Einstaklega vel gert og teiknað. Mjög skemmtilegur söguþráður sem margir eflaust kannast við. Það er greinilegt að mikill tími fór í myndbandið en hver rammi er hugsaður til hins ýtrasta.
Rökstuðningur dómnefndar: Hver rammi er þaulhugsaður og eru litirnir í myndbandinu einstaklega smekklegir. Bleiki reykurinn setur svo punktinn yfir i-ið!
Rökstuðningur dómnefndar: Fallegt myndband með fílíng frá hreyfimyndatímanum nema í nútímalegri búning. Hvert skot dregur mann inn í ótrúlega þægilegan hugarheim.
Rökstuðningur dómnefndar: Skemmtileg skipting á lýsingunni sem gefur sögunni skil á því sem er að gerast. Eins og ævintýri í draumaheimi.
Rökstuðningur dómnefndar: Hugmyndin er virkilega flott og vel hugsuð út fyrir kassann! Auður er virkilega flottur í myndbandinu og smellpassar þetta allt saman. Hvernig er þetta gert?
Rökstuðningur dómnefndar: Myndbandið nær að fanga áhorfandann, er sjónrænt og fallegt og djarfur takturinn er spunninn fagmannlega inn í myndbandið. Dáleiðandi.
Rökstuðningur dómnefndar: Hér má sjá lífið fangað þar sem myndavélin fylgir fjölskyldu við matarborðið. Samvera, hlýja og söknuður, hið mannlega ástand í takt við tímann og það sem hann ber í skauti sér. Allt fléttast þetta fullkomlega saman við stórbrotna tónlist Ólafs Arnalds.
Rökstuðningur dómnefndar: Virkilega fagamannlegt og vel úr garði gert myndband. Töff saga sögð sem er í fullkomnum takti við tónlistina og daðurslegan og svalan textann.
Rökstuðningur dómnefndar: Myndbandið er afar flott og passar svo sannarlega vel við lag og texta. Áferð og spennandi umgjörð er skemmtileg og nær vel töffara andrúmsloftinu sem umlykur lagið og hljómsveitina.
