Menningarmiðstöð opnuð á Grandanum

Verið að leggja lokahönd á Marshall-húsið – Nýló, Kling & Bang og Ólafur Elíasson opna á laugardag

Kristján Guðjónsson
Þriðjudaginn 14. mars 2017 17:00

Frágangur og undirbúningur fyrir opnun menningarmiðstöðvar í Marshall-húsinu á Grandanum í Reykjavík er á lokametrunum – en húsið verður formlega opnað næsta laugardag. Nýlistasafnið og Kling & Bang munu taka hvort sína hæðina undir sýningarrými, Ólafur Elíasson verður með vinnustofur á efstu hæðinni og eigið sýningarrými í öllum suðurhluta byggingarinnar. Þar að auk verður veitingastaður og bar á jarðhæðinni.

Byggingin sem einnig hefur gengið undir nafninu Faxaverksmiðjan var reist árið 1948 sem síldarbræðsla, og kom fé í byggingu hússins meðal annars úr fjárhagsaðstoð sem Íslendingar fengu frá Bandaríkjunum eftir stríð og kennd er við George Marshall, hershöfðingja og síðar utanríkisráðherra. Marshall-húsið hefur staðið autt undanfarin ár en nýlega gerði Reykjavíkurborg samning við eigandann, HB Granda, um leigu til næstu fimmtán ára og mun borgin framleigja húsnæðið. Það eru arkitektarnir Ásmundur Hrafn Sturluson og Steinþór Kári Kárason hjá Kurt og pí, og Börkur Arnarson, galleristi í i8, sem eru hvatamennirnir að verkefninu og hafa unnið að því undanfarin ár.

Þegar ljósmyndara og blaðamann DV bar að garði upp úr hádegi á mánudag var mikið líf í húsinu og framkvæmdir í fullum gangi, iðnaðarmenn, arkitektar, galleristar og listamenn hlupu um bygginguna og unnu að því að allt yrði tilbúið fyrir laugardag.

Fjöldi iðnaðarmanna er að taka síðustu handtökin fyrir opnunina, til að mynda er verið að klára að mála, en hrá grá steypa og hvítir veggir eru áberandi í húsinu, til að mynda í aðalstiganum.
Stál og steypa Fjöldi iðnaðarmanna er að taka síðustu handtökin fyrir opnunina, til að mynda er verið að klára að mála, en hrá grá steypa og hvítir veggir eru áberandi í húsinu, til að mynda í aðalstiganum.

Mynd: DV ehf / Sigtryggur Ari

Flotuð gólf og hvítt sýningarrými á þriðju hæð hússins.
Kling & Bang Flotuð gólf og hvítt sýningarrými á þriðju hæð hússins.

Mynd: DV ehf / Sigtryggur Ari

Víða í Marshall-húsinu er hátt til lofts, til að mynda í gamla túrbínusalnum þar sem gengið er upp. Stórir gluggarnir hleypa inn mikilli birtu auk þess sem útsýnið yfir Hörpu og á Esjuna er tilkomumikið.
Hátt til lofts Víða í Marshall-húsinu er hátt til lofts, til að mynda í gamla túrbínusalnum þar sem gengið er upp. Stórir gluggarnir hleypa inn mikilli birtu auk þess sem útsýnið yfir Hörpu og á Esjuna er tilkomumikið.

Mynd: DV ehf / Sigtryggur Ari

Sýningarstjórar eru byrjaðir hengja upp verk sem sýnd verða á opnunarsýningum Marshall-hússins. Í sýningarrými Nýlistasafnsins sem staðsett er á annarri hæðinni verður sýning á verkum Ólafs Lárussonar opnuð.
Allt að verða til Sýningarstjórar eru byrjaðir hengja upp verk sem sýnd verða á opnunarsýningum Marshall-hússins. Í sýningarrými Nýlistasafnsins sem staðsett er á annarri hæðinni verður sýning á verkum Ólafs Lárussonar opnuð.

Mynd: DV ehf / Sigtryggur Ari

Mikil leynd ríkir yfir því hvernig sýningarrými Ólafs Elíassonar í suðurhluta hússins mun líta út og fengu blaðamaður og ljósmyndari DV ekki leyfi til að kíkja inn.
Lok, lok og læs Mikil leynd ríkir yfir því hvernig sýningarrými Ólafs Elíassonar í suðurhluta hússins mun líta út og fengu blaðamaður og ljósmyndari DV ekki leyfi til að kíkja inn.

Mynd: DV ehf / Sigtryggur Ari

Kristján Guðjónsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 1 klukkutíma

Vikan á Instagram – „Rændur af öpum í dag, í alvöru hversu sætir?“

Vikan á Instagram – „Rændur af öpum í dag, í alvöru hversu sætir?“
Eyjan
Fyrir 1 klukkutíma

Greiða borginni 15.000 krónur í húsaleigu á mánuði – Einn leigjendanna er dóttir yfirmanns skrifstofunnar sem gerði leigusamninganna

Greiða borginni 15.000 krónur í húsaleigu á mánuði – Einn leigjendanna er dóttir yfirmanns skrifstofunnar sem gerði leigusamninganna
Fréttir
Fyrir 3 klukkutímum

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin

Elsti skjólstæðingur Fjölskylduhjálpar Íslands er 97 ára – Geta líklega ekki aðstoðað alla sem þurfa aðstoð fyrir jólin
Fréttir
Fyrir 4 klukkutímum

Greiddu 280 milljónir fyrir að fara upp í Hallgrímskirkjuturn

Greiddu 280 milljónir fyrir að fara upp í Hallgrímskirkjuturn
Pressan
Fyrir 5 klukkutímum

Unglingspilturinn skotinn og stunginn í Stokkhólmi

Unglingspilturinn skotinn og stunginn í Stokkhólmi