„Hringdu gegn einelti og kynferðisofbeldi!“ heitir viðburður sem haldinn verður fyrir utan Landakotskirkju við Túngötu í Reykjavík í dag kl. 13. Um er að ræða alþjóðlegt átak en viðburðurinn stendur yfir í 7 mínútur, eina mínútu fyrir hvern dag vikunnar. Fólk er hvatt til að taka með sér bjöllur og hringja hvers kyns bjöllum og klukkum hvar sem það er statt.
Engin tilviljun er að þeir sem standa að átakinu hér á landi halda það á þessum stað en kynferðisbrot í Landakotsskóla á síðustu öld komust mjög í hámæli fyrir nokkrum árum er einstaklingar sem beittir höfðu verið ofbeldi þar stigu fram.
Í texta um viðburðinn segir:
„Árlegur dagur gegn einelti og kynferðisofbeldi er haldinn hátíðlegur á heimsvísu ár hvert, kl. 13:00 að staðartíma í 7. mín. – Eina mínútu fyrir hvern dag vikunnar. – Skólabjöllum, vinnustaðabjöllum, kirkjuklukkum, skipsklukkum. Eða allskonar bjöllum og klukkum er hringt. Þú getur hringt út um allan heim og hvatt allan heiminn til þátttöku.
Barnaníð innan kaþólsku kirkna um heim allan hafa mjög verið í umræðunni síðustu daga, vikur og mánuði.
Konum og börnum er nauðgað í stríðshrjáðum löndum .
TAKIÐ MEÐ YKKUR BJÖLLUR, KLUKKUr OG SLEGLA (Lítinn hamar) !
VIÐ SEGJUM STOPP – HINGAÐ OG EKKI LENGRA !“
