Fjölmiðlakonan Ragnhildur Steinunn Jónsdóttir á von á eineggja tvíburum með eiginmanni sínum, sálfræðingnum Hauki Inga Guðnasyni. Fyrir eiga þau dótturina Eldeyju, sem er átta ára, og soninn Jökul, fimm ára.

Ragnhildur Steinunn og Haukur hafa verið saman síðan árið 1996, en gengu í það heilaga við fallega athöfn á Ítalíu í júlí síðastliðnum.

Í viðtali við mbl.is fyrir stuttu lýsti Ragnhildur Steinunn hvað móðurhlutverkið hefur kennt henni.

„Svo ótal margt, ég veit varla hvar ég á að byrja. Í fyrsta lagi er það þessi skil­yrðis­lausa ást sem hell­ist yfir mann, hversu klisju­kennt sem það hljóm­ar. Maður dýpk­ar og þrosk­ast. Ég legg mig alla fram í þessu hlut­verki og reyni að njóta þess til hins ýtr­asta,“ sagði hún og bætti við að svefnleysi væri ein stærsta áskorun móðurhlutverksins.

„Ætli það sé ekki að finna þenn­an gullna meðal­veg og muna eft­ir sjálf­um sér í leiðinni. Svo fannst mér svefn­leysið risa áskor­un en son­ur okk­ar vann framúrsk­ar­andi sig­ur í því með að halda okk­ur vak­andi á nótt­unni fyrsta árið.“

Nýjasta viðbótin við fjölskylduna er væntanleg á vormánuðum og ríkir að vonum mikil stemning á heimilinu. Nýr þáttur sem Ragnhildur Steinunn stýrir á RÚV ásamt Viktoríu Hermannsdóttur, Sítengd, verður frumsýndur á RÚV á sunnudag, en til gamans má geta að fyrrnefnd Viktoría er einmitt líka ólétt, en hún og unnusti hennar, grínistinn Sólmundur Hólm, tilkynnt um þungunina fyrir stuttu.

Fókus óskar Ragnhildi Steinunni og Hauki innilega til hamingju með gleðigjafana.